إيه فوائد عداد الكهرباء الذكي ؟ | يلا بيزنس

إيه فوائد عداد الكهرباء الذكي ؟

بانر ياريس للموبايل داخل الأخبار

إيه فوائد عداد الكهرباء الذكي | لقد نفذ رصيدكم.. ديه كلمة بنسمعها كتير وأحنا بنتصل بحد لما رصيدنا يخلص وبنضطر نشحن تاني وهو ده نفس اللي هيحصل في الكهرباء بعد ما الحكومة أعلنت الأسبوع ده أنه هيتم تركيب 12 مليون عداد كهرباء مسبق الدفع سنويًا، بمعدل 500 ألف عداد كل سنة.

بانر ياريس داخل الأخبار

وعشان تعرف الهدف الرئيسي اللي أتعملت عشانه العدادت ديه هو ترشيد أستهلاك الكهرباء واللي وصل الدعم للقطاع ده بس في آخر إحصائيات 4 مليار جنيه ، ده غير أن وزارة الكهرباء عاوزة تقلل من مديونياتها عند المستهلكين واللي حجم الفواتير المتأخرة وصلت عدد الـ 80 مليار جنيه.

طيب أيه مزايا العدادت ديه؟ بالنسبة للمستلهك فالعداد الذكي بيعتبر وحدة تحكم في الاستهلاك وده عشان العداد فيه شاشة بيظهر فيها الرصيد المتبقي واستهلاك الشهر الحالي ، وكمان بيطلع في الشاشة ديه أي حمل زيادة عن المعتاد ده غير أنه بيقفل الباب قدام القراءة الغلط للعداد واللي كتير بيقع فيها مع المحصلين واللي بيتحملها في الأخر المستهلك، ومتقلقش من تكلفة الكهرباء لأنها هتبقي هي هي تكلفة الكيلو في العدادات العادية من غير ولا قرش زيادة.

بانر إم جي أكتوبر 2021

وكمان العداد ده تقدر تشحنه بكروت بتبدأ من 20 جنيه إلى 5000 جنيه ، والعداد بينهبك أول ما الرصيد يوصل لـ 10 جنيه أنك لازم تعيد شحنه ، ولو الرصيد خلص بليل أو في يوم أجازة هيتم منحك 24 ساعة مهلة سماح لإعادة الشحن، يعني الكهرباء مش هتقطع عليك في وقتها.

وتطبيق العداد الكودي هيساعد مصر أنها تحقق إستراتيجية صناعة الكهرباء اللي عملتها لحد سنة 2035، واللي عاوزة فيها تقلل العجز في الكهرباء واللي وصل في آخر إحصائيات إلى حوالي 4 آلاف ميجا وات بالمقارنة بحجم الإنتاج واللي وصل إلى 32 ألف ميجا وات ، وده هيتحقق بحجات كتيرأهمها أن المواطن يرشد الاستهلاكه ، ده غيرطبعا المشاريع الجديدة اللي بتعملها الحكومة وخاصة في في مجال الطاقة المتجددة واللي بتهدف الفترة اللي جاية أنها تزود حجم إنتاج مصر من الطاقة المتجددة إلى 20 % بحلول سنة 2020 بدلا من الرقم الحالي واللي ميتعداش 8 % من حجم إنتاج الكهرباء.

إقرأ أيضًا

بانر كيا داخل الأخبار

الحكومة تبدأ خطة تركيب 12 مليون عداد كهرباء مسبق الدفع بداية 2020

بانر سيتي إيدج داخل الأخبار

اترك رد

لن يتم نشر عنوان بريدك الإلكتروني.