تحت الأرض .. الرئيس يكشف تكلفة إنشاء المراكز الرقمية
كشف الرئيس عبدالفتاح السيسي، عن تكلفة إنشاء المراكز الرقمية وأماكنها، مؤكدًا الدولة قامت بتنفيذ مراكز رأسية وتبادلية وهي مراكز محصنة.
اقرأ أيضًا: الرئيس السيسي يطلق منصة مصر الرقمية رسميًا
الرئيس يكشف تكلفة إنشاء المراكز الرقمية
وأضاف أن المباني التبادلية كلفت الدولة بنية إنشائية 10 مليار جنيه، والمباني الرأسية أكثر من ذلك، متابعًا: “المراكز دي معمولة محصنة لا يمكن الاقتراب منها خالص وبأي شكل من الأشكال.. 15 متر تحت الأرض، المركز الواحد متكلف 10 مليارات جنيه على الأقل إنشاءات مدنية لتوفير مكان لوضع الخوادم الرئيسية”.
وأضاف:” الدكتور عمرو طلعت بيتكلم عن التكلفة المالية الخاصة بالشبكات جوه المركز، مش الشبكة اللى بتتصل بـ 20 ألف مبني لربط الدولة أو لربط الحي الحكومي”.
جاء ذلك خلال كلمته في افتتاح عدد من مشروعات مصر الرقمية، إذ قال:” لا أبالغ لو قولتلكم علشان نخلي الحي الحكومي مميكن بشكل يوفر عمل متقدم جدا للدولة المصرية سواء عملنا مراكز البيانات أو الجزء اللى اتعمل على 50 ألف موظف ثم الشبكة المؤمنة.. والمراكز الأخرى، بنتكلم في 100 مليار جنيه”.
وتابع: لما عملنا مسابقة طلع 111، بفكركم بالموضوع وساعتها قابلنى الدكتور خالد وزير التعليم العالي وقالي لو عملنا مسابقة غير كده هنجيب عدد أكبر من كده وأنا بقول ياريت والله يا خالد، بقولك الكلام ده والله يا خالد وأتمنى والله العظيم لو اتوجد 100 ألف دارس عندهم المقومات دي هصرف عليهم 12 مليار جنيه في تعليمهم هاتوا الـ100 ألف فاهمني وفاهمهم”.
