السيسي:”الأزمة الحالية ستنتهي بالأمن والاستقرار”
تحدث الرئيس عبدالفتاح السيسي، عن الأزمة الحالية التي تمر بها بمصر، مؤكدًا أن المرحلة ستمر بخير وسلام ومصر ستعبر الأزمة.
اقرأ أيضًا: بحضور صندوق النقد .. وزير المالية: الاقتصاد المصري أصبح أكثر تماسكًا ومرونة أمام التحديات
وقال الرئيس عبدالفتاح السيسي:”المرحلة دي إن شاء الله هنعبرها بخير وسلام، وأتصور إننا متابعين كل المصاعب إللى موجودة مش بلدنا بس، ولكن فى الدنيا كلها، ولكن زى ما قلت قبل كده أزمة كورونا مرت بسلام بآثارها، لكن عبرت بفضل الله سبحانه وتعالى، ونقدر نقول إن آثارها يمكن التعايش معاها”.
وأضاف الرئيس السيسي خلال حفل تخرج دفعة جديدة من طلبة الكليات والمعاهد العسكرية:”برضه الأزمة اللى إحنا موجودين فيها دلوقتي حتى لو كان ليها آثار صعبة علينا دلوقيى، لكن أزمة وهتنتهي بفضل الله سبحانه وتعالى، واللى هتبقا الأوطان والبلاد والاستقرار والأمان والسلام، لأن بالمناسبة مفيش بلد هتتقدم في الدنيا وتعبر مشاكلها إلا بالأمن والاستقرار”.
كما تابع: “خليني أقول لكم، في الدنيا الموجودين فيها الأمور دايما بتبقا متغيرة، ولكن إرادة الإنسان، وقبل منها بدعم ربنا سبحانه وتعالي ومشيئته كل الأمور حتى الصعبة يتم التغلب عليها”.
واستطرد:”لو كنتم شوفتم من سنتين في حفل مماثل زي ده، كلنا كنا واقفين ولابسين علشان كورونا واللي كان موجود فيها، والناس كانت متصورة إنه آخر الدينا، لا مش آخر الدنيا ولا حاجة، وانتهت بفضل الله سبحانه وتعالى وعبرت زي كتير من الأزمات ما عبرت وحتى الأزمة اللي إحنا فيها دلوقتي”.
