السيسي: نستطيع معًا كدولة وشعب أن نتغلب على كافة التحديات
مازح الرئيس عبدالفتاح السيسي الدكتور محمد معيط – وزير المالية، خلال حديث عن حجم العمل المطلوب في مصر، وقال الرئيس عبد الفتاح السيسي خلال كلمته في فعليات المؤتمر الوطني للشباب، إن حجم العمل المطلوب في الدولة المصرية كثير للغاية، ويحتاج للعمل ليلًا ونهارًا بدون كلل أو ملل، معلقًا «ميجيش الدكتور معيط يقولي مفيش فلوس، مش كدا يا دكتور.
مشاكل الأسكان
وأشار الرئيس عبدالفتاح السيسي، أن الإسكان كأحد المشاكل المزمنة من 300 – 400 ألف وحدة سكنية غير صالحة، لو بنتكلم عن تكلفة هذه الوحدات لو حبينا نعملهم إسكان بديل بنتكلم لـ 300 ألف 150 مليار جنيه علشان تقول للناس إن المبنى ده غير صالح وغير قابل للإصلاح يبقا هنبنلة وبعد كده أهد ده علشان غير صالح”.
المشروع القومي ترعة المحمودية
قال الرئيس عبد الفتاح السيسي، إنه عندما نفذت الدولة المصرية المشروع القومي ترعة المحمودية بطول 20 كيلومترا، كان كل الناس يشكون على مواقع التواصل الاجتماعى وفى الجرائد وغيرها، وكان البعض يقول إن الدولة تزيل المساجد.
وأوضح الرئيس السيسي، في كلمته بالمؤتمر الوطني للشباب ببرج العرب بالإسكندرية: “كانت الناس بتقول الدولة بتهد الجوامع ويا مسلمين وحرام عليكم.. يا سيدي هنرجع الجوامع تاني وهنرجع الكنائس تاني بس هنرجعها صح، وأنا بكلمكم كده إحنا شغالين في امتداد محور المحمودية الـ55 كيلومتر، علشان أوصل للبحيرة، علشان تبقى أنت من الإسكندرية وتكمل المحور لغاية البحيرة ويبقى محور بديل، ويقولك بلد بتحب الطرق.. انتو مش واخدين بالكم يعني إيه بلد ولا إيه.. الدولة حاجة تانية خالص.. الدولة في تخطيط والتخطيط ده بيقوم به علماء ودكاترة جامعة ودكاترة في الوزارات المعنية وبتضع تصور ولو قدرت الدولة تعمله خير.. ولو ما قدرتش يبقى خطط على ورق”.
وأكمل الرئيس السيسي: “علشان أكمل موضوع محور المحمودية.. كان اللواء هشام آمنة محافظ للبحيرة، جه قالي يا فندم علشان أشيل الناس الموجودة على محور المحمودية في الجزء عندي أنا عايز 800 مليون جنيه وده من 3 سنين، والحكومة وفرت الـ800 مليون وشلنا كل التعديات الموجودة ولكن كان فيه قدام التعديات دي تعويض اجتماعي، ماقلناش إن اللي تعدى ده الأرض مش أرضه وعلى حرم الترعة، وقلنا لا مانقدرش نسيب الناس دي بالطريقة دي، فحصلوا على شيء من التعويض”.
وأردف الرئيس: “إحنا بقالنا 3 سنين بنعمل 55 كيلومتر، ولو النهارده الـ55 كيلو دول بعملهم في أي أرض صحراوية ياخدوا مني 6 أشهر، حد يقولك أنت تقصد إيه.. أقصد أقول إن بناء الدول وإصلاحها أمر ليس باليسير، وأنا كإنسان منكم أمين معاكم وأمين عليكم، واللي هيحاسبني ربنا.. بالمناسبة حسابكم أنتو سهل جدا، لكن حساب رب البشر ربنا شايف كل حاجة ومطلع على كل حاجة”.
المشاكل الصحية
تابع الرئيس: “المشارف” كانت موجودة على أرض سبخية بدل ما كنا بنينا في الإسكندرية ولو كنا عملنا اللى احنا عملناه خلصنا 500 فدان وبنردم 1000 فدان تانيين فى منطقة العامرية واحنا بنعمل ده بطريق علشان يتربط على الصحراوى”.
إن قوائم الانتظار تساهم فى حل المشاكل الصحية للمواطنين بدلا من انتظارهم شهورا أو سنين.
أضاف أن قوائم الانتظار تساهم في تدريب الأطباء من خلال حجم العمل المتزايد لأن قوائم الانتظار بتبقا دايما حالتها صعبة.. لما النهاردة خلال 4 سنين حجم قوائم الانتظار داخل في 2 مليون حالة معناه إن أنا وفرت للأطباء إنهم يتشغلوا بشكل مكثف جدا فى حالات حرجة فى كل التخصصات”.
وأضاف “احنا بنتكلم مش الأرقام كبيرة.. الفكرة كلها إن فيه كتير من الموضوعات لو كانت اتعملت في أماكن جديدة خالص مكنتش هتكلفنا التكاليف دي كلها نضطر نصلح في اللى احنا عملناه..بنحاول نصلح ثم نبني ونطور اللى احنا بنعمله والمكان الجديد أفضل كتير من الدخول في التخطيط السابق الذى تم تجاوزه من دون أن نوزع اتهامات ..لكنا احنا موجودين علشان نصلح ما أمكن أى حاجة يمكن نعملها”.
وأكد الرئيس السيسي، أن الدولة المصرية منذ أكثر من 4 سنوات تسير على قدم وساق لتخفيض الفترة الزمنية لقوائم الانتظار في المستشفيات،وأضاف أن افتتاح وحدة زرع النخاع سيكون لها أهمية في تقليل قوائم الانتظار، إضافة إلى التدريب الماهر للكادر الطبي.
