يعني إيه ريادة أعمال | تعرف أن نسبة كتيرة من الشباب بيصحوا الصبح وكلهم قلق وخوف أنهم يترفدوا من شغلهم ويبقوا عاطلين ، ويضيع حلم المرتب اللي بيستنوه كل شهر، طيب وليه تستني المرتب لما ممكن تعملك مشروعك وتبدأ حياتك إنت، طيب هتعمل ايه يعني؟

وده هيحصل عن طريق حاجة أسمها ريادة الأعمال، وديه تعريفها العلمي أنها” عملية تحديد مشروع تجاري معين للبدء به والتركيز عليه وتوفير الموارد اللازمة وتنظيمها وتحمل المخاطر في سبيل تحقيق ربح مالي، وتعرف أيضا على أنها عملية إنشاء منظمة أو مجموعة منظمات جديدة أو تطوير منظمات قائمة، وهي بالتحديد إنشاء عمل أو عدة أعمال جديدة أو الأستجابة لفرص جديدة عامة.

ولكن ريادة الأعمال ببساطة كده انك يبقي عندك فكرة مشروع جديدة أو موجودة برا مصر بس قليلة جدا هنا ، وتبدأ تنفذها بتكاليف بسيطة وبشكل مختلف بحيث أنك تبقى ضامن أنها فعلا فكرة جديدة مبتكرة مش حاجة متكررة .

وطبعا متفكرش أنك ملكش في البيزنس ومتفهمش فيه ، لأن دلوقتي فيه حاجة في البلد أسمها حاضنات أعمال وديه عبارة عن مكان بيتبنى شخص عنده فكرة مشروع جديدة وبتطور الفكرة وبتديله برامج تدريبية عشان يعرف إزاي يدير مشروعه و يسوق ليه كويس ، وبعد كده بتساعده إنه يلاقي التمويل المناسب للمشروع بتاعه.

ولو انتا جاهز وعندك الفكرة وعارف أزاي تسوق لها ، وبتدور على تسويق تقدر تروح لجهاز المشروعات الصغيرة عشان تقدم وتأخد تمويل بفوائد قليلة جدا وتبدأ مشروعك من غير ما تستنى مرتبك أخر الشهر.

 

يعني إيه تأجير تمويلي ؟