السيسي يوجه بتنظيم رحلات للشباب للتعرف على المشروعات الجديدة
وجه الرئيس عبدالفتاح السيسي، الحكومة، لتنظيم رحلات للشباب للتعرف على المشروعات الجديدة.
وقال الرئيس السيسى من فضلكم اعملوا رحلات لطلبة المدارس والجامعات للمشاريع دي.. عاوز أقول للناس في مصر وللشباب شوفوا اللى بيتعمل بإدين إخواتكم على مساحة مصر بالكامل.. بنتكلم على حجم هائل لما تشوفوه هتطمنوا ومش هنسمح لحد يعبث بعقول شبابنا.
وأكد الرئيس على أن الحكومة عليها دور بعيد خالص على اللى احنا بنعمله .. نورى شبابنا وشباب ثانوي.. وده برنامج الحكومة مع أجهزتها والمحافظات والوزرات اللى فيها الشغل ده”.
وأضاف الرئيس عبد الفتاح السيسي، أن عن محور التوسع الأفقي في الأراضي الجديدة من خلال مشروعات الدلتا الجديدة ومشروع توشكي ومشروع تنمية أراضى سيناء.
مشروعات التوسع الأفقى تضيف 3.5 مليون فدان للرقعة الزراعية
وقال الرئيس السيسى، خلال فعاليات افتتاح مجمع مصانع الأسمدة الأزوتية فى العين السخنة: “بنتكلم عن إضافة 3.5 مليون فدان.. يعني تلت الأراضي الزراعية الموجودة حاليا.. بنتكلم عن حوالي 9 ملايين فدان.. بنضيف حوالي التلت لهم من خلال مشروعات التوسع الأفقي”.
وأضاف الرئيس السيسي قائلا: “عاوز أقول للي بيسمعني دلوقتي اللى بنتكلم فيه .. مش بنتكلم في مشروع بسيط.. وطلباته من المياه أو طلباته من الأسمدة هتبقي ضخمة.. مش بتكلم خالص على التجهيز كمشروع.. ده موضوع تاني خالص.. ده التوسع الأفقي اللى بنعمله”.
أكد الرئيس عبد الفتاح السيسي، أن الدولة المصرية تسعى إلى إعادة معالجة المياه فى مشروعات التوسع الأفقي، قائلا: “عاوزين نطمن على المياه.. وأنا بقول المشروع الأول والثالث.. مشروعات الزراعة في سيناء والدلتا بنتكلم في إعادة معالجة مياه الصرف الزراعي من خلال محطات معالجة عملاقة.. بنتكلم للناس تسمع ده.. الأرقام كبيرة اوي ومش عندنا خيار تاني.. نكتب عنوان صغير “التنمية الصناعية” أو “التنمية الزراعية”.. ده عنوان صغير وأأقوله.. لكن علشان أحققه وأنفذه بياخد وقت وجهد وفلوس كتير”.
