السيسي : «هنوقف الدعم لأي مواطن يتعدى على الأراضي والمصارف»

قال الرئيس عبدالفتاح السيسي، إنه لن يقبل أن يتعدى على قدرات الدولة المصرية لتحسين أحوال مواطنيها، مشيرًا إلى أن الدولة المصرية بذلت جهودا كبيرة خلال السنوات الماضية. وقال خلال حفل افتتاح محطة معالجة مياه مصرف بحر البقر، بشرق بورسعيد:  «زي ما أنا بعمل تبطين للترع وبعمل إجراءات فوق الخيال، وأنا عارف بقول إيه اللي بيتعمل في مصر فوق الخيال، يبقى مش هقبل إن حد يتعدى على قدراتنا». وأضاف السيسي : «التعدي على أراضي زراعية أو منشآت وجسور وكلام من هذا القبيل لأ ده كلام مش مقبول دلوقتي، كان ممكن يبقى مقبول قبل كده». وتابع: «حد يقولي انت زعلان؟! أقوله لأ، أنا خايف عليكم، بقولك كان بيعدي 80 مليون متر مياه بيكفي الناس تروي بشكل كويس، لما يبقى 30 مليون يبقى معناها إيه؟! ليه نعمل في نفسنا كده؟!». وأضاف: الدولة هتوقف كل الدعم المقدم لأي مواطن يتعدى على أرض زراعية أو ترع ومصارف لحين إزالة التعدي. واستكمل الرئيس : مش هنتحايل على حد، هو انت تأخذ أرض الدولة واتحايل عليك، بقول للداخلية، والقوات المسلحة لو الأمر تطلب، خلال 6 أشهر ده يتشال". اقرأ أيضًا: مدبولي : 18 مليار جنيه تكلفة محطة معالجة مياه مصرف بحر البقر