الرئيس السيسي:«اللي معاه قرشين بيبني 6 أدوار ليه؟ حطهم في البنك»

الأربعاء، 02 مارس 2022 10:10 ص

أكد الرئيس عبد الفتاح السيسي، أن هناك ثقافة يجب تغييرها فى التعامل مع البناء، مشيرًا إلى أنه ليس بالضروري كل من يملك المال يقوم بالبناء. اقرأ أيضا: سعر صرف الدولار في بنوك مصر اليوم الأربعاء 2 مارس 2022 وأضاف الرئيس السيسي، خلال كلمته في افتتاح مشروعات قومية جديدة: "المواطن من غير ما يقصد.. يلاقى حتة أرض جنب بيته يبنى خلاص". وتابع : "بقولها لكل المصريين.. وأرجو أنكم تسجلوها كويس وتفكروها فيها كويس.. اللى معاه قرشين.. يروح يبنى أي حاجة.. انا بشوف حجم العمارات وحجم الاشغال اللى فيها". كذلك قال : "لو معاك قرشين بتبني 5-6 أدوار وأنت مش هتسكن فيها ليه.. لو انت معاك فلوس وحطيتها في البنك ده هيوفر لك عائد مناسب". وتابع : "انت تبني على أرض زراعية.. أو أرض مش بتاعتك.. اللى تبني عليه مش هيجيب حاجة.. دى ثقافة عندنا.. حتى الريف.. يبنى دور ولا دورين.. ومش محتاجه دلوقتي ويحتاجه كمان 15 سنة من اجل أولاده.. لازم نتجاوز النقطة دي.. مواطنين وشعب.. حجم كبير من المساكن اللى بشوفها على الدائري مش مسكونة.. مفيش شباك راكب". من ناحية أخرى، قال عن اشتراطات البناء، : "النقطة دى عليها نقاش كبير.. حتى على مستويات مختلفة.. اتصور البرلمان لازم يساعدنا في اللى احنا بنعمله.. الهدف مش إيذاء المواطن.. الوطن بتاعتنا كلنا.. اشتراطات البناء". وأضاف الرئيس السيسي، خلال كلمته في افتتاح مشروعات قومية جديدة: "حد يقولى لو أنا مكانك مش أخلي في محافظة القاهرة تتبنى تاني.. كسكن.. لازم مخطط مضبوط". بالإضافة إلى ذلك قال : تحدث الرئيس عبد الفتاح السيسي : "ليه احنا كدولة عملنا الاشتراطات دي.. وليه واخدين اشتراطات قاسية علي المواطنين"، مستعرضا صورة كاملة للكتلة العمرانية الصماء والمكدسة بالسكان والأنشطة والحركة. كذلك قال : "لما نشوف الصورة دى.. لو واحد عنده حتة أرض فاضية ينفع يبنى فيها.. انا اخليه ينفع.. طب لو قولتله ابنى دورين.. يقولى اشمعنى انا ما اللى جنبي عنده 15 دور.. اشمعنا انا.. عمرنا ما هنغير.. مفيش دول بتعمل كده". اقرأ أيضًا: السيسي: عايز المواطن في بولاق وكرداسة يعرف يتحرك كويس