بعد الهجوم عليه بسبب تصريح الليمون.. عمرو أديب: يا نهار أسود ومنيل ما يولع | فيديو

https://www.youtube.com/watch?v=teP8FR-nPAU

 عمرو اديب يعلق على اسعار الليمون

أبدى الإعلامي عمرو أديب، استيائه الشديد من تعرضه لحملة هجوم شرسة عقب تعليقه، على غلاء أسعار الليمون ووصوله إلى 100 جنيه للكيلو، قائلًا: « أفهم أهمية الزيت والسكر للأسر المصرية.. لكن إيه أهمية الليمون؟، وبصراحة ردود الناس غريبة: بنعمل ليموناته.. طيب ما تعمل برتقاناته، أو فرولاته، البلد مليانة برتقال صيفي». وقال عمرو أديب في حلقة برنامج «الحكاية»، المذاع على قناة «إم بي سي مصر»: «دخلت المطبخ النهاردة وسألت بتستخدموا الليمون في إيه؟.. الرد: ولا حاجة.. ولقيت ناس بتكرر حدوتة في عهد السيسي الليمون بـ100 جنيه، وعهد مرسي المانجا بـ4 جنيهات، وده كذب المانجه مكنتش بـ4 جنيهات، هو أي حاجة، بلد بتأكل 100 مليون كل يوم، إيه اللى حصل؟.. ويقولوا هي العيشة تتعاش من غير ليمون، يا نهار أسود ومنيل، ما فيه خل وليمون الأضاليا بـ20 جنيها، والليمون اللى بـ100 جنيه آخر الشهر هيبقى بـ3 جنيهات"،فيه أشياء نحس فيها بمعاناة البني آدم.. ولكن ما يولع الليمون». وكان عمرو أديب، علق أمس على غلاء أسعار الليمون ووصوله إلى 100 جنيه للكيلو، متسائلا: «هو ليه المواطن بيشتري كيلو ليمون في اليوم؟».