السيسي: ترسيم الحدود كان ضروري لحقل ظهر .. وخصصنا الأراضي في ساعتين بالتليفون

تحدث الرئيس عبدالفتاح السيسي، عن حقل ظهر وترسيم الحدود في البحر المتوسط مع قبرص واليونان، وفي البحر الأحمر مع السعودية. اقرأ أيضًا: مدبولي: الزيادة السكانية في مصر تعادل حجم الزيادة في 27 دولة أوروبية خلال 30 عامًا وقال الرئيس السيسي خلال المؤتمر الاقتصادي :" ترسيم الحدود كان له دور كبير في عمل حقل ظهر.. لولا ترسيم الحدود مكنشي فيه شركات تعمل تنقيب.. ترسيم الحدود ده أول حاجة". وأضاف : " لولا حقل ظهر كان زمان مصر مطفية.. مفيش فلوس ندفع كل سنة 2 مليار دولار شهريا من أجل تشغيل محطات الكهرباء، وده بالسعر القديم". وتابع: "من فضلكم.. والدكتور مصطفي بيتكلم بيقول عنوان ولكل عنوان حكاية لينا كلنا يا مصريين.. أنا عاوز اقولكم.. اللى أنت شايفه ده.. 25 ألف ساعة عمل بلا توقف مني ومن الدولة". وأردف: "25 ألف ساعة عبارة عن 7 سنين.. 84 شهر.. 30 يوما.. 10 ساعات في اليوم على الأقل.. اللي حصل بالله.. والله بالله.. والله بالله.. ولا كان يحصل ابدا". وعن دعم حقل ظهر لملف الكهرباء والطاقة في مصر، قال: "الأسعار الحالية كنا هنحتاج 10 مليار دولار في الشهر بالسعر الجديد.. ادفعهم للغاز لتشغيل محطات الكهرباء وتفضل منورة.. دول منين ؟!.. 120 مليار دولار في السنة.. اجبهم منين..  ولما جينا نعمل الترسيم الكل هاجمنا". وأضاف : "ربنا يسر الأمر.. شركة أيني بتقول 5 سنين علشان اخلص حقل ظهر.. قولت لا 18 شهر فقط.. مش 5 سنين.. انا موجود كل يوم.. أي مشكلة هخلصها.. معمل تكرير بيحتاج سنة و3 سنين لتخصيص الأراضي.. اتخصصت في ساعتين بالتليفون". وتابع: "اتطلب يتعمل 10 آلاف خازوق لتجهيز الأراضي في بورسعيد الخاصة بمعامل التكرير.. اتحركت معدات بالآلاف كي نجهز الخرسانة الخاصة بالمعمل اللى بنتكلم عليه".