الرئيس السيسى : تنمية سيناء تكلف 50 مليار جنيه خلال السنوات الماضية
كشف الرئيس عبد الفتاح السيسى، أن تكلفة تنمية سيناء خلال السنوات الماضية 40 – 50 مليار جنيه، معلقا: “حبيت أقولكم اللى انتوا عملتوه السنين اللى فاتت كان ممكن ميتعملش ويتأجل.. الرقم اللى اتكلف في سيناء من 40 إلى 50 مليار دولار، لو بيتعمل دلوقتى هيتكلف ضعف الرقم ده، والوقت اللى محتاجينه للتنفيذ هيتضاعف”.
وقال السيسسى أنه من المقرر تجهيز 600 ألف فدان للزراعة فى سيناء مع نهاية العام الجارى، فى إطار خطة تنمية وإعمار سيناء.
وقال السيسى أنه “اتعرض علينا خطة للتنمية فى سيناء بمشاركة هيئة المجتمعات ووزارة الإسكان ووزارة الرى ووزارة الزراعة.. تخطيط يعنى بقوله لكل المصريين.. مش تخطيط متواضع.
وجه الرئيس عبدالفتاح السيسى، بأن الأولوية فى تنمية سيناء للشركات السيناوية قائلا: ” بقول للقيادة العامة والهيئة الهندسية الأولى بالعمل معانا طبعا كل شركات المقاولات فى مصر لكن الأولى شركات أبناء سيناء على أساس انهم اشتغلوا معانا فى ظروف اصعب كتير وكانوا موجودين صحيح المعدلات مكنتش زى ما بنحلم لكن كان طبيعة الظرف هو اللى فارض علينا..هما الأولى فى كل الأعمال الموجودة وارجو نعوض كل اللى احنا بنتمناها ونخلصه فى اسرع وقت ممكن خلال فترة زمنية قليلة وان شاء الله نطمن الأول من ازالة العبوات الناسفة والمتفجرات اللى كانت موجودة فى حتت كتير اللى يخلص نخش ونكمل شغلنا”.
وأضاف الرئيس السيسى، خلال كلمته فى تفقد اصطفاف المعدات المشاركة فى تنمية وإعمار سيناء: “لما الدكتور مصطفى مدبولى بيقول 600- 700 ألف فدان فى سيناء.. نتمنى على أخر السنة دى تكون المياه موجودة سواء من محطة المحسمة أو بحر محطة البقر.. والخط الناقل نخلصه فى أسرع وقت.. كمية أراضى تدخل الإنتاج على نهاية السنة دي.. بتكلم عن سيناء.. مش بتكلم عن توشكى ولا وادى النطرون.. بنتكلم عن 600 ألف قديم وحديث.
وقال الرئيس السيسي، إن الدولة المصرية لم تنفذ مشروعات للتنمية والتعمير في سيناء بسبب ارتفاع التكلفة، قائلا: “سيناء مساحتها 60 ألف كيلو متر.. وبنتكلم عن حجم التكلفة لتنفيذ شبكات الطرق ومحطات الكهرباء.. وكل الكلام اللى بنقوله دلوقتي على مسطح 60 ألف كيلو في سيناء”.
