السيسي: “أزمة ارتفاع سعر الدولار كاشفة.. والعالم يعيد تشكيل حركة التجارة”
علق الرئيس عبدالفتاح السيسي، على أزمة ارتفاع سعر الدولار، قائلًا إن “أزمة الدولار كاشفة، بتقولنا فاتورة الدولار بتزيد علينا سنة بعد سنة، ومش بتجاب بيها سلع ترفيهية، ولكن نتيجة تطور الاقتصاد المصري”.
اقرأ أيضًا: الرئيس السيسي يوجه بمنح الرخصة الذهبية لكل المستثمرين لمدة 3 أشهر
جاء ذلك هلال إطلاق الملتقى والمعرض الدولي الأول للصناعة، حيث أضاف “لو ما سبقناش الوقت ونحقق تحويل جزء لينا وإنتاج جزء كبير من المستلزمات والإنتاج اللى بنجيبه من بره، بهدف زيادة الناتج المحلي وتشغيل العمالة المصري وعوائد للضرائب، وبعدين مش بقول إن أى مشروع استهدف التصدير بس، ولكن غطى الطلب في مصر، والله الكلام ده لكل زمايلنا الموجودين اللى يهمهم مصر تستقر وتنمو وتكبر، لأن عمرها ما هتكون كده غير لما الحكومة وشعبها مع بعض مش أنت هنا وأنا هنا، لآن النتيجة مع بعض أحسن لما تحسك أنك لوحدك”.
وتابع: “لما حصل موضوع الصراع التجاري في العالم بينت أن في تحول كبير حتى في أثناء جائحة كورونا ثم الأزمة الروسية الأوكرانية”.
كما لفت إلى أن ما يحدث في العالم يشير إلى أن حركة التجارة يعاد تشكيلها وصياغتها، وأن مصر لديها فرصة كمصنع بما تقدمه من تكلفة الإنتاج والتشغيل.
وأضاف: “أنا عارف السوق العالمي فيه إيه وحتى في مصر اقدر أعمل إيه، ولما أقول للناس تعالوا في تطوير للإنتاج من خلال اتفاقيات وتسعير الطاقة عندنا والتسهيلات والعمالة المصرية اللي تكلفتها لا تقارن بأي تكلفة ثانية”.
ووجه الرئيس السيسي كلامه لرجال الأعمال والمستثمرين: “لكم كل الدعم من الحكومة والشعب ومن بعضنا من أجل بلدنا وتواصلنا المستمر هيخلينا نشوف أكتر، وأننا نسمع بعض دون اتهامات تعالوا نسمع بعض، وتعالوا نتحرك لمصلحة مصر المشتركة ولسه بدرى وعندنا فرصة كويسة”.
