السيسي: «تطوير قطاع الكهرباء مش رفاهية ومكنش ينفع أركز على التعليم الأول»
علق الرئيس عبد الفتاح السيسي، على مشروعات تطوير قطاع الكهرباء وغيرها من المشروعات القومية، مؤكدَا أنها لم تكن رفاهية وساهمت في تطوير العديد من المشروعات مثل مشروع مستقبل مصر الزراعي.
اقرأ أيضا: الرئيس السيسى: «كل إجراء ما عملنهوش من 40 سنة بندفع تمنه دلوقتي»
وقال الرئيس عبد الفتاح السيسي خلال كلمته في افتتاح مشروع مستقبل مصر للإنتاج الزراعي: “قطاع الكهرباء كان يحتاج إلى التطوير.. المستشفيات مش فيها كهرباء.. البيوت اللى الكهرباء بتقطع فيها مرة واتنين وتلاتة تعمل إيه.. مش رفاهية.. دي عناصر مهمة.. بناء مشروع مستقبل مصر زي ده أو مشروع توشكي.. تقولى أولويات الكهرباء لمرحلة متأخرة مثلا”.
وأضاف الرئيس السيسي: “طريق الضبعة.. بيترفع الكفاءة ويتوسع.. علشان الحجم هنا.. حد يقولى كان ممكن يقول بلاش ده؟!”.
كذلك قال الرئيس :”أنا سمعت من ضمن الكلام أنه كنتم ركزتم على التعليم هو أمر مهم لكن كان هيتحمل الناس إن مافيش كهرباء ومافيش ترع ومافيش إنتاج غذائي عشان أولادنا وبناتنا يتعلموا كويس على مدار ١٤ سنة وتبقى كل موارد الدولة المحدودة تحطوها في التعليم”.
اقرأ أيضا: مواعيد تسليم أراضي الإسكان المتميز فى شمال الواحة بأكتوبر الجديدة
