السيسي لأصحاب المخابز:« لو بتكسبوا ريال فى العيش..هيدخلكم 120 ألف جنيه شهريًا»
حرص الرئيس عبد الفتاح السيسي على إجراء حديث مع أحد أصحاب المخابز ، وذلك خلال جولة تفقدية في منطقة مصر القديمة والقاهرة التاريخية، لمتابعة سير العمل بعدد من المشروعات القومية.
اقرأ أيضًا: ميناء السخنة يستقبل السفينة BLANCO ACE بحمولة 1513 سيارة
أزمة أصحاب المخابز ورغيف العيش
وتحدث الرئيس السيسي مع صاحب أحد الأفران، عن سبب غلاء العيش الحر ليرد شاب من الواقفين: “بسبب الارتفاع العالمي عمومًا”، وهنا تدخل الرئيس السيسي قائلا: “أنت مالك بالعالمي.. هو إحنا زودناه عليكم الدقيق؟”.
وتابع الرئيس :”إحنا مش بندي الدقيق من وزارة التموين بالحصص سواء كانت للخبز المدعم أو غير المدعم؟.. الدقيق الحر أنت بتاخده بتمن علشان تفضل تحافظ على ثمن سعر الرغيف الحر.. أكبر دورة ربح هي الدورة اليومية.. أنا كل يوم بعمل رغيف بكسب.. لو بكسب في الرغيف قرش.. يعنى هكسب في اليوم القرش ده.. مش زي السلع والبضائع التانية بتقعد أسبوع أو بالشهر”.
وقال الرئيس السيسي: “الخبز مختلف كل يوم الناس بتاخده.. يعني انا لو بكسب في الرغيف ريال “20 قرشا”.. وأنا بعمل كل يوم 10 آلاف رغيف.. يبقي مكسبي في اليوم 4 آلاف جنيه يوميا ومحسوب فيهم كل دورة التشغيل.. مرتبات الناس والغاز.. اى حاجة متسعرة فيها 65 قرش.. لو أنت بعيته بـ 85 قرش يعنى أنت خدت 20 قرش مكسبيعنى عملت 4 ألاف جنيه في اليوم.. يعني في الشهر 120 ألف جنيه.. هل ده رقم قليل لمخبز واحد بيعمل 10 آلاف رغيف فقط في اليوم؟.. أنا مش بتكلم في رحمة ومش رحمة.. أنا بقول أي واحد عنده محل أو مصنع عايز يكسب منه، وانا معاه عايزه يكسب ويعيش إنما بالعقل”.
اقرأ أيضًا: التنمية المحلية والنقل تبحثان توفير أتوبيسات تعمل بالطاقة الجديدة بقمة المناخ
