«بنعمل حاجتنا بفلوسنا».. أبرز تصريحات الرئيس السيسي في ميناء الإسكندرية
تصدرت تصريحات الرئيس عبد الفتاح السيسي في ميناء الإسكندرية، اليوم الثلاثاء، اهتمامات المواطنين خلال الساعات الماضية؛ حيث أكد على اعتماد الدولة المصرية على نفسها في تنفيذ مشاريعها الخاصة.
وجاء ذلك خلال تفقد الرئيس عبد الفتاح السيسي لميناء الإسكندرية صباح اليوم؛ لمتابعة أخر تطورات الميناء الذي يشهد إقامة عدد كبير من المشروعات.
ويستعرض “يلا بيزنس” في السطور التالية أبرز تصريحات الرئيس السيسي في ميناء الإسكندرية.
مش هنسمح بدخول أي بضائع لمصر تخالف المعايير الأوروبية
قال الرئيس: “إحنا هندخل كل البضائع اللي هتخش البلد دي طبقا للمعايير زي ما الدول المحترمة بتشتغل، وحاجتنا من شركات محترمة علشان الناس في مصر تشتري الحاجة وهي مطمنة ومش هنسمح أي مستورد يجيب أي حاجة.. مش هنوافقله، وعلشان كده الكام شهر اللي فاتو كانت إجراءات تجريبية ومن أكتوبر الجاي هنبدأ الشغل”.
بنعمل مشروعاتنا بنفسنا
كذلك،قال الرئيس عبد الفتاح السيسي لوزير النقل خلال حديثه : أنا بشكركم على الجهد ده ، بس أنا مستعجل عن التوقيتات دي عشان عاوزين نحقق اللي عايزينه .
وأضاف الرئيس عبد الفتاح السيسي: كنا قبل كده بنطلب مستوردين من بره عشان يعملوا المشروع .. وده كان مسار الدولة قبل كده .. دلوقتي مبنعملش كده يا كامل .. إحنا بنعمل حاجاتنا بفلوسنا .. تكلف عشرة عشرين بتاعتنا ” .
دفعنا كتير ومش هاسمح إننا نخسرها
وخلال تدشين بعض الوحدات الجديدة الخاصة بالسكة الحديد بميناء الإسكندرية،قال: لو مفيش أداء اقتصادي مظبوط الحاجات الجديدة دي بعد 5 سنين هنخسرها وهنبقى محتاجين نستلف تاني علشان نشتري.. لأ مش هيحصل.. آه جبنا الجديد وبنحدث وبنعمل كل شيء ولكن التكلفة المالية بتاعة الشغل مفيهاش كلام.. لو عاوزين تحافظوا على بلدكم تبقى كده
بنعمل نظام عشان كل حاجة تمشي صح بالمعايير العالمية
كذلك قال الرئيس عبدالفتاح السيسي، إنَّه كلما زادت سيطرة الدولة على الموانئ البرية والبحرية كلما قل مرور الشحنات التي تحوي مخاطر مثل المخدرات وغيرها.
وتابع : “هنسيطر على كل ده، كل ما هنسيطر على حركة المنافذ البرية والبحرية والجوية بشكل كامل، هنقدر نحقق الأمل اللي شايفينه بنسبة زي المعايير العالمية، والمستورد يخاطب الشركة، والشركة تخاطب الجمارك ونوافق عليها ونقدر نحدد أسعارها، ونسب كبيرة من البضائع يتمّ الكشف عليها بشكل عشوائي”.
مستعد أدفع 100 مليار لإجراءات الميكنة عشان نقضي على الفساد
وعن ميكنة إجراءات الضرائب، قال : «بقول للمستوردين بداية من مارس 2022 كل البضائع اللي هتخش مصر هتكون طبقًا للمعايير الأوروبية، وندي فرصة للمستوردين ينتبهوا لما ييجوا يتعاقدوا، لازم يتعاقدوا على بضائع ومواد هيطبق عليها المعايير، ولو مش هنبقى جاهزين في مارس 2022 قولولي”.
وأضاف الرئيس السيسي: “بقول للمستورد، أنا مش هغلبك معايا ومش هيحصل اللي كان بيحصل قبل كدا، الفريق كامل بيتكلم عن تطوير الموانئ بالشكل وبنية أساسية ومنظومة، ولكن المنظومة المالية التي تدير هذا الأمر؛ تمّ تطويرها بالميكنة الكاملة، ومش عاوز أقولكم عن حجم المليارات اللي أنفقت في هذا الأمر علشان المنظومة دي”.
اقرأ أيضا : وزير التموين: 50 % نسبة المستفيدات من مشروع جمعيتي
