الرئيس السيسي لوزير الزراعة: “بيقولوا اللحمة لسة غالية .. عايزين نفهمهم ليه”

وجه الرئيس عبدالفتاح السيسي، رئيس الجمهورية، سؤالًا لوزير الزراعة السيد القصير بشأن ارتفاع أسعار اللحوم، إذ قال “لولا الإجراءات كنا بقينا فين؟”.

اقرأ أيضًا: الرئيس السيسي يفتتح مشروع الإنتاج الحيواني والألبان في المنوفية

وأوضح وزير الزراعة، أن الأمر يتعلق بارتفاع أسعار الأعلاف والذرة عالميًا، مضيفًا أنه لولا الإجراءات التي اتخذتها الدولة المصرية لارتفعت الأسعار أكثر، إذ أن ارتفاع أسعار اللحوم حاليًا لا يتناسب مع الأسعار العالمية.

وقال الرئيس السيسي:” ماكناش عارفين إن الأزمة الأوكرانية هتحصل لكن كنا في الإجراءات اللي أخدناها بنحاول إننا نحقق الاكتفاء الذاتي”.

وتابع:” إحنا دخلنا مجال صناعة اللحوم متأخرين شوية وهي مش زي ما الناس متخيلة إنه بيربي رأس ماشية وخلاص دي صناعة ليها تكلفة”.

كما أضاف:” لما أطلقنا مشروع المليون رأس ماشية أخدنا إجراءات كتير بس إحنا كنا بنتكلم في صناعة، وإن شاء الله يجي على الدولة المصرية وقت ويبقى المنتج بتاعها طبقًا لأفضل معايير صناعة اللحوم في العالم”.

وأشار قائلًا:” بره الطاقة بتزيد بيرفعوا أسعار كل حاجة فالناس تحس إن في تضخم كبير لكن إحنا معملناش ده، ولو ماكنش ربنا سبحانه وتعالى وفقنا في إجراءاتنا كان تمن المنتجات بقى أكبر من كده بكتير”.

وتابع الرئيس السيسي:” المشروعات دي مش مجرد استثمار دي عشان استقرار البلد وأنا والله العظيم بستهدف الرضا المجتمعي مش حفظ رئيس”.