السيسي : «غلاء الأسعار علينا كلنا.. ونفسي أخلي المرتبات 30 ألف جنيه شهريًا»
أكد الرئيس عبد الفتاح السيسي، على أهمية الانتباه إلى مشكلة الزيادة السكانية في مصر وخطورتها، كونها السبب الرئيسي في الكثير من المشكلات.
اقرأ أيضًا: «محدش يقول هي جت عليا».. مدبولي يطالب بإنجاب طفلين كحد أقصى
وقال خلال كلمته في إطلاق المشروع القومي لتنمية الأسرة المصرية: “المرتبات فى مصر مرتبات دنيا.. هو حد يقول الكلام ده في الموقع اللى أنا فيه.. ايوه مرتبات دنيا ومنخفضة… هو أنا السبب.. عاوز أدى المواطن 30 ألف جنيه.. طب إزاى تعملوها إزاى”.
ولفت الرئيس عبدالفتاح السيسي إلى أن الزيادة السكنية سببًا في الغلاء، وقال : الدنيا بتغلى وهتغلي، والغلاء ده علينا كلنا، مستنين أيه ؟.
كذلك قال : «الطبيب أنا مبدلهوش مرتب كويس.. هل أنا مش عاوز أديله مرتب كويس ولا مش قادر أديله مرتب كويس؟.. المدرس بردو أنا مش قادر أديله مرتب كويس، بتكلم عن كليات الحاسبات عشرات ألوف اتخرجوا وبنيجي نقول نيجي نعمل اختبارات مميكنة علشان نخلي الطالب متميز ونلاقي الدنيا بتعترض والإعلام يتناول الموضوع علشان ميحصلش، وبذلك هنفضل في دايرة المستوى القليل».
قال الرئيس عبد الفتاح السيسي، إن الدكتورة هالة السعيد وزيرة التخطيط تحدثت عن معدل النمو 6 %، متابعا: “إحنا عاوزين معدل النمو في مصر 60 % علشان نوفر 5 تريليون دولار نتاج محلي.. وعلشان نوفر الخدمات اللى بتتقدم في أوروبا.. والتعليم اللى في أورويا.. واخلى فيه وعي وتوعية زى اللى في أوروبا.. أنا مش بقدر اعمل ده.. كنا بنتلكم فى مبادرة قوائم انتظار العمليات الجراحية عن 20-30 ألفا ودلوقتى بنتكلم عن مليون ولسه شغالين.. ومش هيخصلوا وهيزيدوا”.
